7月11日。
今天，恆生指數升362點，報22184點；歐洲股市繼續插水。
昨晚暴雨，一名少女淹死。
伊朗試射導彈，油價繼續暴漲，高見每桶147美元。
iphone 3G開售，萬人空巷。
.........
世界真大，每天都有數之不盡的大事發生。
今天，還有一件小小小小小事。
請祝傻媽生日快樂。 
天時暑熱，室外氣溫由卅度至卅二度不等，紫外光指數由高至超高，有咩好得過去游水呢？傻爸同傻媽咁諗。
不過， 呢隻白痴懵狗點算呢？佢唔識游水都算了，因為聽講逢狗都天生識游狗仔式，丟佢落水應該浸唔死啩？問題係......阿懵極之驚水喎！你睇睇下圖，舊年傻爸同傻媽興致勃勃咁帶懵去西貢海邊的結果，係......
懵（好驚）：救命呀救命呀救命呀救命呀救命呀救命呀救命呀救命呀救命呀救命呀救命呀！人嚟呀，有人虐狗呀！
今年又到夏水禮了，懵懵能否克服懼水症，怒海求生呢？
(懵：救命呀！好驚呀！啲水會郁架！）
（懵：救命呀！條橋會郁架，下面仲係怒海......嗚嗚......我要返屋企呀！）
(閱讀全文)
大家看過《幸福的十六年》嗎？
這本書，說的是一頭老狗與一家傻主人的故事。普通中學女生，通過與「福仔」一起成長，與「阿福」一起認識人生，以及與「老福」一起學習死亡，她也隨之長大了。
能夠作為這十六年美好經歷的紀錄者，傻媽實在太幸福了。
希望能延續這幸福，所以，縱使阿福已經到了彩虹橋，傻媽卻已不能活在沒有狗的世界，因此，家中有了阿懵狗；
希望能延續這幸福，所以，縱使自己的能力有限，也祝願天下的流浪狗可以像阿福般幸福。
（我不是阿懵，而是阿福。你看得出來嗎？）
(閱讀全文)「農曆新年將至，又係盜賊小偷出沒的旺季。喺今年1月份沙田某屋苑0既一個住戶，就連續發生兩宗家居盜竊案。我地喺呢度呼籲各位觀眾，若果曾經目睹任何可疑人物或動物，又或睇到竊案發生的經過，歡迎你地喺呢個網誌度留言，同我地聯絡。」
阿Sir講完呢段類似某宣傳滅罪信息的節目片尾結語後，匆匆收隊走人。戶主夫婦面對一個月內連續發生兩宗盜竊案，除了嘆一句倒楣之外，亦只好歸咎於於家中狗狗沒有克盡己職，好好看守門口。
「 阿懵，肯定係你啦！三唔識七都鬼咁熱情，你慌唔係有賊入屋時，你仲遞埋手手、請埋骨骨咁歡迎人地咩！」面對戶主夫婦的埋怨，懵懵狗一臉無奈，而小鴨鴨則坐在旁邊一路偷笑一路睇住阿懵比人鬧，只有乞兒貓金寶依然故我，在梳化上大爺般沉睡。
到底，年尾流流，傻宅又發生咩「樹幹」呢？
(金寶：你睇我瞓覺個樣幾咁豪邁、幾咁有男人味！）
(閱讀全文)今天，阿懵約了一眾朋友仔──包括青梅竹馬老虎狗阿B、約了十萬次都失敗的Mocha及QQ，還有傻媽的舊同學Double及Single媽媽──齊齊到彭福公園喪玩一番。天有點陰冷，有點微雨，不過，狗們比上次更多，實在太開心了！
最開心的是....懵懵，你著返套靚衫，終於似返個女仔，度過美麗的一天啦！
（嘩，懵懵點解咁靚呀？原來偷了壽星女Double豬件衫仔同party帽來拍照。）
（懵懵：喂，阿B，咪咁大鄉里啦！戴頂帽仔都扁口扁面咁！）
（阿B：咩呀......我係老虎狗嘛，唔扁口扁面唔通「牙尖嘴利」咩！話時話，你條小丑領圈都幾襯你個懵樣喎！）
(閱讀全文)
這天，陪著朋友到棄貓組織跑了一趟，與她看中的小黃貓「相睇」。
義工之家很「企理」，除了她自己養的幾頭貓狗外，還設了「育嬰房」，照護四處撿來待領養的七、八頭小孤貓。義工說，她還算養得少了，不少義工家庭可能暫養著逾廿頭待領養流浪貓。
真是有心人啊！
玩貓期間，出現一雙極漂亮長毛貓bb兄妹，可愛得就像小時候買聖誕卡時，那些「卡哇兒」的貓模。傻媽好奇地問：「怎麼不見你們的貓網上，有這對長毛貓兄妹呢？如此可愛，應該不愁沒有人要罷？」
義工無奈地說：「像牠們這類混種靚貓，一出鏡便會立時有人蜂擁認養，不會沒人要的。所以先等一等，讓其他唐貓仔曝光，等人要左先呀！」
以貌取人，原是人之天性，可會想過自己留著？另一義工搖頭說：「漂亮的貓人人搶著要，所以，我們義工家中養的，通常都是沒人要的殘障貓、獨眼貓，或醜樣貓。」
（乞兒仔金寶樣衰的童年）
(閱讀全文)
