「媽媽，起身啦！」懵懵一朝早如常衝入睡房，開開心心地向床上的傻媽傻笑，努力做好呢份工。「媽媽，夠鐘返工啦！爸爸叫我來叫醒你呀！」

「ZZZZZZZZZZZZZZZZZZZZZZZ」

「媽媽，你死左呀？」

「ZZZZZZZZZZZZZZZZZZZZZZZ」

 「媽媽，你快啲復活啦～～～～」

 「ZZZZZZZZZZZZZZZZZZZZZZZ」

 「咁唔係辦法噃......我要義犬救母先得！一於人工呼吸啦！」

舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔

「哎呀，懵懵！我就黎窒息啦！」

舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔

「嘻嘻，你醒啦？錫多兩啖先啦！」

舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔

「醒左啦醒左啦！快啲行開呀！懵懵！

「嘻嘻，我幾叻！爸爸叫我叫你起身呀！」

舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔‧舔

「快啲走呀，你好多口水啦！」

早上九時半，傻媽終於被逼起床了。睜著惺忪睡眼，拖著疲累的步伐走出大廳。

「捨得起身啦咩！」傻爸一邊煮早餐，一邊埋怨：「由九點叫到九點半，好似死左咁，一啲反應都無。」

嗯嗯。想在爛沙發上再HEA多一會兒，沙發上卻睡了一頭肥貓。

「金寶，你未起身呀？」

「喵喵。」似乎在說早晨，也似乎在說滾開。

好罷，傻媽讓步，坐摺櫈算了。

 「懵懵，come。」傻爸叫道，一邊將懵懵的早餐放在地上：「食飯啦！」

「吓？？你仲未比嘢佢食？」傻媽奇道。

「你未起身，佢都唔出來噃！」傻爸說，一邊摸摸懵懵的頭：「呢啲係你應得的，因為你叫醒左媽媽，有做好呢份工呀！」

「嘻，我好叻！」懵懵非常開心，拿拿林極速食完早餐。

雖然很攰，昨晚與前晚與大前晚，都是折騰到半夜才會家，連狗也沒法蹓。但每個清早，能看見這一批傻臉孔，感覺辛苦工作似乎也挺值得的。

「你坐夠未呀？唔駛返工呀！」傻爸咆吼道。

好好好，馬上上班去。

「還有，」傻爸遞‘來小小的塑膠袋，「你的早餐。」